Англискиот премиерлигаш Вест Хем го договори трансферот на францускиот голман Алфонс Ареола од Пари Сен Жермен.
29-годишниот голман се договори за нова соработка со „чеканите“ и се враќа во Премиер – лигата каде претходно беше на позајмица во Фулам. Тој е подготвен да потпише петгодишен договор со Вест Хем.
Ареола не успеа да се наметне во првиот тим на ПСЖ и главно беше на позајмици почнувајќи од 2013 година наваму, во клубот е од осумгодишна возраст и ги помина сите помлади селекции и на ПСЖ и на француската репрезентација.
За прв голман на лондонскиот тим ќе се бори со Лукаш Фабијански, кој со години е неприкосновен на гол-линијата на „чеканите“.
