Тренерот на Реал Мадрид, Карло Анчелоти, не е задоволен по ремито без голови на гостувањето кај Бетис. „Кралскиот клуб“ сега заостанува девет бода зад лидерот Барселона и шансите за одбрана на титулата изгледаат минимални.
„Тежок натпревар, но мораме да бидеме поефикасни. На последните три натпревари постигнавме само еден гол. Ни недостасуваше брзина. Сакаме да ја имаме топката, но треба да го правиме тоа посамоуверено. Имаме една недела да го подобриме ова. Борбата за титулата? Сѐ е можно. Многу е тешко, но ќе се бориме до самиот крај“, изјави италијанскиот стратег.
