Брегалница в недела на Градскиот стадион во Штип го пречекува Пелистер во 22. коло од Првата македонска фудбалска лига и сака излез од кризата. По претходните три кола во кои беше освоен само еден бод, „сините“ посакуваат победа за крај на резултатската криза.
Брегалница на ниту еден натпревар од пролетниот дел од сезоната не беше надиграна од противниците, но резулатите не беа на посакуваното ниво.
„Секако дека против Пелистер атакуваме на победа, со која би ставиле крај на оваа резултатска криза. Јасно е дека секоја екипа има одреден ваков период, за жал нас тоа не зафати сега, но искрено верувам дека сето тоа ќе заврши затоа што има навистина одлична атмосфера во екипа. Оваа Брегалница има уште многу што да каже до крајот на сезоната“, вели најдобриот стрелец во редовите на „сините“, Марјан Алтипармаковски.
