Казахстан е следниот противник на фудбалската репрезентација на Македонија. Мечот се игра утре од 16 часот по македонско време во Астана.
Селекторот на Казахстан, Али Алијев, вели дека Македонија има силен тим, но домаќинот сака да освои бодови.
„Македонија има добар тим, со квалитетни поединци како што се Елиф Елмас, Барди, Трајковски и други. Пред три дена играа против Белгија и покажаа карактер. Покажаа дека имаат силен тим, со квалитетни играчи, но секако и ние имаме свои адути. Верувам дека можеме да направиме добар резултат“, истакна Алијев на денешната прес конференција.
