Аларм во Тиквеш: Спонзорот од Турција има рок до среда да ги плати долговите, во спротивно Општина Кавадарци си го враќа клубот

Во Тиквеш има немир, неисплатени плати и наталожени долгови. Тимот не тренираше два дена, а наводно утре треба да одработи тренинг подготвувајќи се за дуелот од петтото коло против Струга Трим Лум в недела.

Се јави и Општина Кавадарци, која во името на клубот објави дека спонзорот од Турција има рок до среда (17.септември) да ги исплати долговите или во спротивно ќе ги загуби акциите во клубот, и повторно со него ќе раководи Општина Кавадарци предводена од градоначалникот Митко Јанчев.