Шкендија оствари убедлива победа над Борец во Велес и ја намали негативата во однос на Шкупи на пет бода. Тренерот Бруно Акраповиќ е задоволен и од резултатот и од играта на својот тим.
„Задоволен сум, веројатно и навивачите се задоволни. Повторно создаваме многу шанси, можевме да постигнеме повеќе голови. Но, 0-3 како гостин е резултат во кој секако уживаме. Момците одиграа многу добро. Не е лесно да се игра на вештачка трева, но дадовме се од себе. Првото полувреме беше малку потешко, но во вториот дел откако го изморивме противникот имавме поголем посед на топката. Со вклучувањето на Хасани нашата игра делуваше многу поубедливо и создадовме многу шанси. Гури е играч кој знае да прави и асистенции и да постигнува голови, додека Маркоски е играч кој работи напорно, денес изгледаше добро и среќен сум што имам таков играч“, изјави тренерот на Шкендија.
