Академија Пандев сама решава за опстанокот, Силекс и Ренова чекаат „кикс“ да избегнат бараж

Борба за Европа, но и битка да се избегне баражот за опстанок. Последното коло од Првата фудбалска лига носи интересни возбудувања за директно обезбедување опстанок. Во пол – позиција е тимот на Академија Пандев кој на домашен терен го пречекува Борец, кој веќе ја заврши работата околу опстанокот.

Силекс и Ренова се во понезавидна положба. Мораат да чекаат „кикс“ на Академија Пандев и да победат на своите натпревари.

Кратовци го пречекуваат составот на Струга Трим Лум кој доаѓа со намера да победи и да обезбеди излез на европска сцена. Ќе биде тоа големо искушение за тимот на Горан Симов. Ренова бодовно речиси и да не може да го избегне баражот, а денеска ќе игра против Работнички.

Шкендија ќе слави титула против Шкупи во Тетово, а Пелистер под „Тумбе кафе“ го пречекува составот на Беласица, а Македонија ЃП оди на гости кај Вардар.