Баер Леверкузен лошо ја заврши минатата, а и лошо ја почнаа оваа година. „Фармацевтите“ го забележаа вториот пораз во Бундес-лигата откако загубија со 2-1 на гостувањето против Ајнтрахт Франкфурт. Иако Надием Амири даде одличен гол со петица, сепак, Амин Јунес израмни до полувремето, а на стартот на вториот дел Едмонд Тапсоба си постигна автогол.
Борусија Менхенгладбах славеше на гости против Арминија Билефелд со 0-1, со голот на Брил Емболо. Фрајбург победи на гости против Хофенхајм со 1-3, а и Унион Берлин оствари гостинска победа (0-2) против Вердер. Келн загуби дома од Аугсбург со 0-1.
