Баер Леверкузен и понатаму е непоразен во Бундес-лигата, откако во последен момент стигна до реми (2-2) на домашен терен против Штутгарт. Роберт Андрих во 97.минута постигна гол за израмнување.
Крис Фухрих во 47.минута и Дениз Ундав во 57.минута постигнаа два гола за водство на Штутгарт (0-2).
Сепак, тимот на Чаби Алонсо никогаш не се предава, дури и кога титулата е математички обезбедена. Амин Адли во 62.минута намали, а Андрих длабоко во судиското продолжение и успеа да израмни за голема радост на домашните фанови.
