Менаџерот на Челси, Маурисио Покетино, го прокоментира поразот на неговиот тим од тимот на Арсенал со 5-0 во дуелот од 29. коло на англиската Премиер – лига. Ова беше најголемиот пораз на „сините“ од градскиот ривал од 1930 година и нивниот тогашен пораз со 1-5.
„Многу сум разочаран. Мислам дека откако ги примивме вториот и третиот гол се откажавме. Тимот покажа неспособност да возврати – тоа е проблемот. Арсенал е многу добар тим, секогаш е тешко да се натпреваруваш со нив. Но, мислам дека ги оставивме да играат, поради што загубивме. Им дадовме премногу можности да играат и да создаваат шанси“, изјави Покетино.
Челси моментно е на деветтото место во англиската елита и голема е веројатноста втора година по ред тимот да ги пропушти европските натпреварувања.
