Јунајтед со два пенали го победи Евертон и ја прекина мини-серијата порази (ВИДЕО)

Манчестер Јунајтед стигна до 15. победа во Премиер – лигата оваа сезона откако го победи Евертон на „Олд Трафорд“ со 2-0. Со тоа тимот на Ерик тен Хаг ја прекина мини-серијата од два последовни порази.

Алехандро Гарначо беше играч на натпреварот, иако не постигна ниту еден гол. Но, ги изнуди двата пенали од кои „црвените ѓаволи“ дојдоа до триумф.

бруно Фернандеш беше реализатор на првиот пенал во 12.минута, а потоа следеше и прецизниот удар на Маркус Рашфорд од 11 метри во 36.минута од дуелот.