Ѕвездата на Атлетико Мадрид, Антоан Гризман, ќе биде неизвесен до последен момент во пресрет на реванш осминафиналето од Лигата на шампионите против Интер. Ова го потврди тренерот Диего Симеоне.
Францускиот репрезентативец заработи повреда на скочниот зглоб на првата средба со „нероаѕурите“ во Милано, при поразот со 0-1 и оттогаш нема играно.
Гризман учествуваше на тренингот на Атлетико Мадрид во петокот, но само како дел од неговото опоравување. Тој сигурно го пропушта претстојното гостување кај Кадиз во Ла Лига.
