Каталонскиот гигант Барселона е на крстопат и може да се случи да го смени тренерот Чави Хернандез уште во текот на следната недела, иако тој веќе најави дека ќе си замине по завршувањето на сезоната.
Медиумите во Шпанија најавуваат дека би можел да ја напушти Барселона уште во вторник, при евентуална елиминација во осминафиналето на Лигата на шампионите.
Доколку Барса не успее да го елиминира Наполи, тогаш на кормилото би требало да биде поставен Рафа Маркез, кој во моментот е тренер на Б-тимот на каталонскиот гигант.
Наполи и Барселона во првиот меч од осминафиналето одиграа 1-1.
