Тренерот на Барселона, Чави Хернандез, не сакаше да ја коментира информацијата дека Луис Енрике, кој го предводи Пари Сен Жермен, би можел да го замени во каталонскиот клуб.
„Луис Енрике? Не сакам да разговарам кој ќе стане тренер после мене. Воопшто не сакам да зборувам за следната сезона бидејќи имаме уште многу да играме во оваа“, изјави Чави, цитиран од „Мундо Депортиво“.
На крајот на јануари Чави објави дека ќе ја напушти Барселона на крајот од актуелната сезона.
По 27 кола во Ла Лига, Каталонците се на третото место на табелата со 58 бодови.
