Менаџерот на Челси, Маурисио Покетино, нема да може да смета на Кристофер Нкунку во следните три недели. Напаѓачот мора да мирува поради повредата на бутниот мускул со која се здоби пред неколку дена на тренинг. Поради ова тој ја пропушти победата од 4-0 против Престон во ФА купот.
Кристофер Нкунку му се приклучи на Челси во летото 2023 година од Лајпциг, но повредата на коленото го оддалечи до втората половина на декември.
26-годишниот Французин досега забележа само четири настапи за лондончани, постигнувајќи само еден гол во поразот со 2-1 од Вулверхемптон во Премиер – лигата.
