Ал-Хилал сака да го донесе Рафиња во овој преоден рок. Клубот од Саудиска Арабија е подготвен да стави богатство пред него, но и да и ги плати на Барселона бараните 60 милиони евра.
Тренерот на Барса, Чави, наводно повеќе не смета сериозно на бразилскиот репрезентативец кој е во клубот од 2022. Барселона тогаш го купи од Лидс во трансфер вреден 58 милиони евра.
Рафиња на 68 настапи постигна 13 и асистираше за 19 голови.
Ал-Хилал веќе ги купи Нејмар, Малком, Калиду Кулибали, Александар Митровиќ, Сергеј Милинковиќ-Савиќ…
