Чаби Алонсо од лето ќе го преземе Баерн Минхен?

Германскиот првак Баерн Минхен по завршувањето на сезоната ќе се раздели со Томас Тухел, а неговото место во клубот ќе го заземе Чаби Алонсо. Ова го тврди шпанскиот медиум „Релево“.

Чаби Алонсо со Баер Леверкузен се бори за титулата во Бундеслигата и токму тоа е една од причините поради која Баерн Минхен сака да го ангажира Шпанецот.

Тој беше поврзуван и со кормилото на Реал Мадрид, но таа опција пропадна откако „кралевите“ потпишаа нов договор со Карло Анчелоти.