Крилниот напаѓач на Барселона, Рафиња, заработи посериозна повреда на мечот против Севилја. Информациите велат дека тој има скинати влакна на бутниот мускул и ќе биде надвор од терените најмалку еден месец.
Тоа значи дека Бразилецот ќе го пропушти Ел Класико кое е на 28 октомври.
Рафиња ја заработи повредата уште во првото полувреме на синоќешниот меч со Севилја (1-0) и беше заменет во 37. минута.
Попрецизна дијагноза и периодот на опоравување ќе бидат познати денеска по деталниот лекарски преглед.
