Атлетико Мадрид е решен да му понуди на Диего Симеоне продолжување на договорот во октомври, пишува „Марка“.
Ова е првпат тренерот да влезе во последната година од договорот без веќе да потпише продолжување. Вообичаено секогаш имало две сезони кои се обновувале за да има стабилен проект, но во кои двете страни знаат дека не се под хипотека во однос на долготрајноста.
„Нема подобар од Симеоне за Атлети, ниту подобар клуб од Атлетико за Симеоне”, долги години е фразата на оние кои ги следат „јорганџиите”. Тие знаат дека Аргентинецот се вклопува во клупската филозофија и дека благодарение на него тимот го подигна своето ниво.
