Селекторот на фудбалската репрезентација на Македонија, Игор Ангеловски, отпатува за Будимпешта да му даде поддршка на повредениот Стефан Спировски, интернационалецот кој настапува за Ференцварош, а деновиве го оперираше коленото и го очекува пауза о три месеци. Ангеловски го следеше и натпреварот меѓу Види и Ујпешт, за кои настапуваат Бобан Николов и Кире Ристевски.
„Репрезентацијата е едно големо семејство, дојдов во Будимпешта да му изразам поддршка на Стефан Спировски од сите репрезентативци и од стручниот штаб. Му посакуваме брзо опоравување, да се врати на терените и повторно да ни биде на располагање во националниот тим. Го следев и натпреварот меѓу Види и Ујпешт, дуелот меѓу тимовите на Бобан Николов и на Кире Ристевски“, изјави селекторот Игор Ангеловски.
Националниот тим во јуни ќе ги игра следните две квалификациски натпревари, на домашен терен против Полска и против Австрија.
