Ливерпул ја разгледува можноста да го ангажира офанзивниот играч за врска на Лајпциг, Доминик Шобошлаи. Претставниците на играчот се сретнале со „црвените“ оваа недела и разговарале за можен трансфер.
Во договорот на Шобошлаи има ослободителна клаузула вредна 70 милиони евра, но таа важи до крајот на месецот.
Ливерпул има одлични односи со германскиот клуб, а следен трансфер меѓу двата клуба ќе биде Фабио Карвалјо. 20-годишниот Португалец оди во Лајпциг на едногодишна позајмица. Договорот е многу блиску до финализирање и нема да има откупна клаузула.
