Селекторот на Хрватска, Златко Далиќ, го пофали својот тим по победата над Холандија во полуфиналето на Лигата на нации. „Коцкестите“ по продолженија победија со 4-2 и за трофејот ќе играат против победникот од второто полуфинале меѓу Шпанија и Италија.
„Им честитам на момците. Ова е победа за цела Хрватска. Победата од 4-2 против Холандија на гости е голем успех. Ќе имаме уште некој медал во колекцијата и тоа го заслужуваме. Ова е една од најважните победи на репрезентацијата, би ја нарекол историска“, изјави Далиќ.
Горд е и капитенот Лука Модриќ.
„Одигравме брилијантен натпревар, што беше нашата цел. Првите 20 минути беа тешки, но потоа многу го подобривме нашиот ефект. По голот на Крамариќ го покажавме максимумот од нашите можности. Штета што примивме гол во последната минута, но потоа покажавме карактер во продолженијата“, прокоментира хрватскиот капитен Лука Модриќ.
