Душан Влаховиќ има слаба сезона во Јувентус. Во сите натпреварувања има постигнато 12 гола, а настапите се далеку од очекувани.
Се повеќе се шпекулира за напуштање на Торино, а се чини дека Јувентус нема ништо против доколку пристигне понуда поголема од 70 милиони евра кои и ги платија на Фиорентина за српскиот напаѓач.
Се споменуваа голем број европски гиганти, а неочекуван премиерлигаш е подготвен да понуди 100 милиони евра. Тоа е Астон Вила, која пружа одлични игри од доаѓањето на Унаи Емери.
Извесно е дека ќе играат во европските натпреварувања, а амбициите за следната сезона им се уште поголеми.
