
Дефанзивецот на Арсенал, Бен Вајт, ги воодушеви навивачите со изјава по саботната победа против Лидс (4-1) во 29. коло од Премиер – лигата. Претходно, Манчестер Сити со ист резултат го победи Ливерпул во дербито, а „топчиите“ по триумфот над Лидс набрзо ги врати осумте бода предност на врвот.
Кога Вајт беше прашан што мисли за тоа, односно за Манчестер Сити, тој даде неверојатна изјава.
„Не следам фудбал, бев фокусиран само на денешниот натпревар. Се зборува многу, но одиме чекор по чекор . Не знам што е правилно, а што е погрешно, никогаш не сум бил во оваа позиција, да се борам за титула. Работиме во тишина, со наведнати глави и сакаме да победиме на наредниот меч“, изјави Вајт.
Навивачите се воодушевени од делот од изјавата во кој Вајт признава дека не следи фудбал иако е професионален фудбалер.
„Боже, нема шанси да го кажал тоа. Тој е фудбалер и не следи фудбал! Дајте му доживотен договор, тој е неверојатен”, „Дајте му нов договор” и „Замисли да си толку добар во спорт кој не те интересира“, се само дел од коментарите на Твитер.
Вајт дојде во Арсенал во 2021 година за 58 милиони евра. Тој има потпишано договор до 2026 година и има 37 настапи оваа сезона.

-
МАКФУДБАЛ ТИМ НА КОЛОТО ВО ПРВАТА ЛИГА
Арсими дојде во Тетово и ја сопре Шкендија, а Силекс и Струга ТЛ се...
Автор makfudbal
-
МАКФУДБАЛ ИГРАЧ на колото: Филип Алексовски (Башкими)
Башкими е веројатно најпријатното изненадување на стартот на сезоната во Првата лига. Новиот прволигаш...
Автор makfudbal

Евро-фудбал
Тотенхем го договори трансферот на Чави Симонс

Евро-фудбал
Фенербахче му даде отказ на Жозе Мурињо
