На Светското првенство во 2026 година ќе играат 48 репрезентации поделени во 12 групи, а во нокаут фазата ќе се пласираат најдобрите две селекции од секоја група и осумте најдобри третопласирани тимови.
„Не ми се допаѓа новиот формат на Светското првенство“, изјави италијанскиот селектор Роберто Манчини. „Верувам дека треба да играме помалку, а не повеќе натпревари. Играчите немаат одмор и доаѓаат на натпреварите уморни“.
Досега се играа 64 натпревари во формат со 32 репрезентации, а на следниот Мундијал ќе гледаме уште 40 натпревари повеќе.
Светското првенство во 2026 година ќе биде првото во историјата што ќе го организираат три земји домаќини – САД, Мексико и Канада.
