Голманот на македонската фудбалска репрезентација, Столе Димитриевски, на денешниот меч со Малта прослави јубилеј – 60 одиграни натпревари во националниот дрес. Со тоа го достигна легендарниот Петар Милошевски.
„Пред сè сакам да се заблагодарам на Петар Милошевски, една легенда која беше нашиот голмански идол. Тој даде огромен придонес за македонскиот фудбал и фала му за сè. Тој беше еден од најдобрите голмани во Македонија и дај боже да дојде некој после 10 или 15 години и да ме достигне и мене. На денешниот натпревар со Малта најважно беше да победиме. Ние излеговме, немавме притисок, но сакавме да триумфираме како и на секој друг натпревар во дресот на Македонија. Најважно е дека ја остваривме целта“, изјави Столе Димитривски.
