Фудбалската репрезентација на Македонија ги стартуваше подготовките за мечот против Малта на 23 март во Скопје, со кој се отвора новиот циклус квалификации за ЕВРО 2024 во Германија. Ново име во националниот тим е Давор Здравковски, интернационалецот од Кипар, кој своевремено беше капитен на младата селекција до 21 година.
„Секое момче кое ќе почне да игра фудбал во оваа држава има еден сон, да стане А – репрезентативец на Македонија. Мило ми е што сум дел од ова семејство, подготвен сум да се ставам во функција на тимот и се надевам дека ќе бележиме успеси“, изјави меѓудругото Здравковски по првиот тренинг.
