Манчестер Сити го декласира Барнли во ФА купот на Англија со 6-0. Ерлинг Халанд постигна нов хет-трик, а „граѓаните“ немаа милост за својата легенда Винсен Компани, кој сега е менаџер на Барнли, водечкиот тим во Чемпионшип дивизијата за кој настапува и Дарко Чурлинов.
Македонскиот репрезентативец не беше во тимот, а Сити брзо ја заврши работата.
Ерлинг Халанд постигна два гола, во 32. и во 35.минута за водство од 2-0 по првиот дел.
Во второто полувреме Норвежанецот комплетираше хет-трик, а потоа стрелаа и Хулијан Алварез двапати и Кол Палмер.
