Тренерот на Реал Мадрид, Карло Анчелоти, имаше причина за радост по успехот од 1-0 во реваншот со Ливерпул и пласманот на неговиот тим во четвртфиналето на Лигата на шампионите. Тој изјави дека нема желби за следниот противник, но додаде дека тоа е натпреварување во кое секогаш е многу тешко да се победи.
„Одигравме добар натпревар, концентрирани и сериозни, со јасни идеи. Сѐ заврши добро. Не сум загрижен за противникот во четвртфиналето. Мораме да ги победиме сите, тоа е сѐ”, започна Анчелоти.
„Бензема имаше удар и имаше болки, но верувам дека ќе биде подготвен за Ел Класико в недела. Крос и Модриќ завршија одлична работа за да ја држат нашата игра под контрола. Ние сме модерен тим – полн со класа, искуство и посветеност. Камавинга исто така покажува високо ниво. Тој ја користи својата добра форма и добро се разбира со Модриќ кој треба да оди напред и на кого да остане дефанзивната задача“, додаде Италијанецот.
„Лигата на шампионите останува најтешкиот турнир за освојување. Треба да знаеш да го освоиш трофејот. Има тимови во четвртфиналето што никој не ги очекуваше, особено оние од Серија А, но нашата цел е да се претставиме добро и да го освоиме трофејот“, заклучи стратегот на Реал Мадрид.
