Тоби Алдервирелд се повлече од националниот тим на Белгија. Дефанзивецот беше дел од таканаречената „златна генерација“, чиј врв беше третото место на Светското првенство во 2018 година. За националниот тим дебитираше во 2009 година.
„Како мало момче сонував да играм за репрезентацијата. Многу сум благодарен и горд што овој сон стана реалност. Можам да погледнам наназад 14 години подоцна и да видам 127 натпревари, три светски првенства, две европски првенства и безброј убави спомени“, изјави Алдервирелд.
