Ситуацијата околу Жоао Феликс станува се покомпликувана. Португалскиот интернационалец инсистира да го напушти тимот, но неговата цена ги запре сите заинтересирани клубови за неговиот потпис, предводени од Арсенал, Челси и Манчестер Јунајтед. Ниту еден од овие клубови не е подготвен да плати повеќе од 100 милиони евра за напаѓачот, а Атлетико не сака да го пушти за помалку од 130 милиони евра.
Опцијата за позајмица е сè уште релевантна, но парите повторно се проблем. Атлетико Мадрид бара 15 милиони евра за изнајмување до лето, а освен тоа клубот кој ќе го доведе Жоао Феликс ќе мора да му исплати и плата од 6 милиони евра.
Мадриѓаните од денеска не преговараат со други клубови. Според шпанските медиуми, сосема е можно Жоао Феликс да остане барем до крајот на сезоната. Португалскиот интернационалец е во лоши односи со Диего Симеоне, но тренерот ја препознава неговата добра форма и верува дека може да биде многу корисен за тимот.
