По заминувањето од Реал Мадрид, Серхио Рамос реши кариерата да ја продолжи во ПСЖ каде како слободен играч пристигна во 2021 година и потпиша двегодишен договор.
Во првата сезона поради повреда одигра само тринаесет натпревари за ПСЖ, но затоа оваа сезона ситуацијата е многу подобра. Така оваа сезона одигра 21 натпревар во сите натпреварувања и успеа да постигне еден гол, а забележа и една асистенција.
Иако сега е стандарден првотимец, француските медиуми објавија дека понудата за продолжување на соработката сѐ уште не е пристигната.
Со оглед на тоа дека договорот му истекува на крајот на сезоната, Рамос може да започне преговори со други клубови во јануари за трансфер за следната сезона.
