Холандскиот репрезентативец Дејли Блинд заминува од Ајакс во зимскиот преоден рок. Тој по повеќе од 300 натпревари и седум титули, сподели дека не ја замислувал вака разделбата.
„Не ја замислував вака мојата разделба од Ајакс, но некои околности доведоа до овој крај“, напиша Блинд на Твитер.
Договорот на Блинд имаше клаузула за автоматско продолжување доколку играчот од средниот ред настапи на 24 натпревари. Тој забележа 19 настапи од почетокот на сезоната, но го загуби стартното место во октомври. На крајот ќе мора да си побара нов клуб.
