Десниот бек на Челси, Рис Џејмс, ја обнови повредата на коленото и ќе мора да паузира уште еден месец.
Џејмс се врати на теренот за прв пат од октомври, но мораше да го напушти теренот рано во второто полувреме против Борнмут.
Денешните прегледи покажаа дека Џејмс во најдобар случај ќе отсуствува околу еден месец, па се очекува да се врати на теренот кон крајот на јануари.
Ќе го пропушти преполниот празничен распоред, гостувањето кај Нотингем Форест, потоа две дербија со Манчестер Сити во Премиер – лигата и во ФА Купот, па серија натпревари во првенството со Фулам, Кристал Палас и Ливерпул.
Во негово отсуство, се очекува Цезар Аспиликуета да го заземе местото крај десната аут линија.
