Голема трагедија ја потресе Англија за божиќните празници. Млад фудбалер е убиен за време на расправија во бар во Бирмингем, откриваат медиумите на Островот. Животот го загуби тинејџерот од Валсал, Коди Фишер. Тој до неодамна играше за аматерскиот тим Бромсгроув Спортинг.
Во оваа фаза не е јасно што точно се случило, локалната полиција веќе го истражува инцидентот, но оттаму не соопштуваат повеќе детали.
Единствено што е јасно е дека Фишер се здобил со неколку убодни рани и покрај брзата реакција на итните медицински лица, тие не успеале да му го спасат животот и младиот човек починал од здобиените рани.
„Сите ние во Бромсгроув Спортинг сме длабоко тажни поради веста за смртта на Коди Фишер. Коди беше пријател со сите во клубот. Испраќаме искрено сочувство до неговото семејство и најблиските“, напишаа од клубот.
All of us at Bromsgrove Sporting Football Club are deeply saddened to learn of the passing of Cody Fisher.
— Bromsgrove Sporting (@SportingFC) December 27, 2022
Cody, was a friend to many at the club and we send our deepest condolences to his family and loved onespic.twitter.com/RnxAX7hZt4
