По повеќе од 12 години во европскиот фудбал, Фелипе Кутињо веќе посакува да се врати во Бразил. Во оваа насока се очекува да побара раскин на договорот со Астон Вила, информира бразилскиот сајт „Гол“.
За помалку од еден месец, играчот од средниот ред ќе наполни 31 година, а со Англичаните има договор до летото 2026 година. Сепак, тој претпочита да се врати во својата татковина, каде што има понуда од Коринтијанс.
Неодамна Кутињо доживеа удар откако не беше вклучен во составот на „селесао“ за Светското првенство во Катар. Од почетокот на сезоната за Астон Вила одигра 640 минути.
