Најдобриот млад играч на последното Светско првенство, Енцо Фернандез (21) се договорил за трансфер во Ливерпул, пишува аргентински „Diario La Capital“. Фернандез наводно се договорил да остане на позајмица во Бенфика уште половина сезона, а потоа да потпише за англискиот клуб.
Оваа зделка сѐ уште е на ниво на вербален договор, не е потпишано, но тоа би можело да се случи во јануарскиот преоден рок.
Фернандез има 21 година, но одигра голема улога во освојувањето на светскиот шампионат за Аргентина. Во пет од седум натпревари тој стартуваше од првата минута, постигнувајќи еден гол и една асистенција. Тој минатото лето пристигна во Бенфика од Ривер Плата и веднаш се наметна како еден од најдобрите играчи во португалскиот тим.
Ливерпул минатото лето од Бенфика го доведе уругвајскиот напаѓач Дарвин Нуњез за 80 милиони евра.
