Менаџерот на Манчестер Јунајтед, Ерик тен Хaг, бара нов напаѓач, а негова најголема желба е Виктор Осимен, брилијантниот 23-годишен напаѓач на Наполи. Тој игра одлично оваа сезона во Серија А и во Лигата на шампионите, а „црвените ѓаволи“ се подготвени да платат 100 милиони евра за да го доведат на „Олд Трафорд“.
Интерес за Осимен покажаа и Арсенал и Њукасл, а во трката се наоѓа и Пари Сен Жермен.
Наполи во 2020 година го донесе Осимен од Лил во трансфер вреден 75 милиони евра. Од доаѓањето во Серија А, младиот напаѓач за Наполи забележа 75 настапи и постигна 37 гола со 12 асистенции.
Доколку се реализира овој трансфер, Осимен ќе стане најскапото засилување во историјата на Манчестер Јунајтед.
