По долги години Шпанците ќе имаат само еден претставник во 16-те најдобри екипи во Лигата на шампионите. Единствен претставник на Шпанија во продолжението од елитното европско натпреварување ќе биде Реал Мадрид, а испаднаа Севилја, Барселона и Атлетико Мадрид.
Поради ова Шпанците дополнително би можеле да паднат на листата на коефициентите на УЕФА.
Моментно се зад Англичаните, а можно е Германците да ги престигнат на таа позиција.
Германците имаат осум екипи во Европа, повеќе од кој било друг, додека Шпанците се застапени со седум тимови.
