„Кралевите“ подобри од Јувентус, Барса го победи Њујорк (ВИДЕО)

Реал Мадрид го совлада Јувентус со 2-0 на стадионот „Роуз Боул“ во Пасадена каде имаше 93.000 гледачи да ги поздрават ѕвездите на двата тима. Карим Бензема од пенал го отвори резултатот во 19.минута, а Марко Асенсио беше стрелец на вториот погодок во 69.минута од мечот.

Барселона исто така победи, против Њујорк ред бул со 2-0. Роберт Левандовски не искористи неколку одлични шанси, а стрелци на головите беа Осман Дембеле во првото и Мемфис Депај во второто полувреме од дуелот.