Хрватскиот фудбалер Иван Перишиќ (33) има договор со Интер само до крајот на следниот месец, а преговорите околу новиот договор траат со месеци. По финалето на Купот на Италија, Хрватот јавно го прозва раководството, но се уште нема договор.
Интер на хрватскиот репрезентативец му нуди двегодишен договор вреден 9 милиони евра, а Перишиќ бара 12 милиони.
Јувентус наводно е подготвен да му понуди толку на фудбалерот на омразениот ривал, а и Челси го сака Перишиќ.
Сега и Тотенхем се вклучува во борбата за неговиот потпис, откриваат медиумите на Островот. Англискиот премиерлигаш будно ја следи ситуацијата и би можел повторно да ги спои Антонио Конте и Иван Перишиќ.
Конте, менаџерот на Тотенхем, го тренираше Перишиќ во Интер, а минатата сезона заедно го донесоа првото „скудето“ по 2010 година за миланскиот гигант.
