Менаџерот на Ливерпул, Јирген Клоп, изјави дека би сакал да се потпре на Мохамед Салах, Вирџил ван Дајк и на Фабињо на решавачкиот натпревар од Премиер – лигата против Вулверхемптон в недела, но потенцираше дека тоа ќе се случи само доколку не постои ниту најмал ризик за обновување на повредите.
Ливерпул мора да ги победи „волците“ на „Енфилд“ и да се надева дека Манчестер Сити ќе загуби бодови против Астон Вила за да ја освои втората шампионска титула во последните три години. Сепак, тимот го очекува и финале во Лигата на шампионите во Париз на 28 мај, против Реал Мадрид.
Салах и Ван Дајк го пропуштија мечот оваа недела против Саутемптон поради повреди здобиени во финалето на ФА Купот, додека Фабињо заработи повреда на мускулот на мечот со Астон Вила.
„Ситуацијата изгледа добро, момците се опоравуваат, но ќе видиме. Мојата желба е да играат за да влезат во ритам. Но, не можам да кажам 100 отсто“, изјави германскиот стратег.
„Ја разбирам борбата на Салах со Хјонг-мин Сон за голгетерската награда, но нема да ризикуваме непотребно. Мо исто така не сака да ризикува, нема сомнеж во тоа“, изјави менаџерот на Ливерпул.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski