Манчестер Јунајтед веќе работи на привлекување на првиот играч на Ајакс, кој може да го следи Ерик тен Хаг на „Олд Трафорд“. Станува збор за 20-годишниот дефанзивец Јуриен Тимбер, кој е проценет на околу 35 милиони фунти.
Тој го претстави својот талент оваа сезона откако одигра 43 натпревари за холандскиот шампион, а неговата сестраност е еден од главните квалитети поради кои новиот менаџер на Јунајтед да сака да продолжи да работи со него.
Тимбер може да игра и како централен дефанзивец и како десен бек.
Тимбер не е единствената трансферна цел од Ајакс за Манчестер Јунајтед. Тен Хаг ќе се обиде да го земе и неговиот партнер во одбраната Лисандро Мартинез. Цената на Аргентинецот е околу 25 милиони фунти.
