Аргентинската ѕвезда Лионел Меси ќе го пропушти натпреварот на пари Сен Жермен од 33. коло во францускиот шампионат против Анже, соопштија од клубот.
„На Лионел Меси му е дијагностицирано воспаление на Ахиловата тетива на левата нога. Следната информација за состојбата на играчот ќе биде соопштена за два дена“, се вели во соопштението на ПСЖ.
Натпреварот со Анже кој се игра утревечер ќе го пропуштат и Марко Верати, Преснел Кимпембе, Леандро Паредес, Џулијан Дракслер, Андер Ерера, Левен Курзава и Абду Дијало.
