Барселона доживеа шокантен пораз (0-1) од Кадиз на „Камп Ноу“ со што продолжи мизеријата по елиминацијата од Лигата на Европа. Тимот на Чави не успеа да се опорави и одигра слаб натпревар, а Кадиз тоа знаеше да го искористи и стигна до победа со која можеби и ќе обезбеди опстанок во Ла Лига оваа сезона.
Лукас Перез во 48.минута го постигна победничкиот гол за Кадиз на овој меч. Барселона до крајот имаше неколку шанси, меѓутоа гостинскиот голман Џеремаја Ледесма беше одличен на голот на Кадиз.
