Серхио Регилон, левиот бек на Тотенхем, е голема желба на Барселона, но и на неговиот матичниот клуб Реал Мадрид, пишуваат шпанските медиуми.
Регилон е дете на Реал, во мадридскиот клуб ги имаше првите чекори на осумгодишна возраст, па се до 23 години. Потоа, по одличната сезона во Севилја каде играше како позајмен фудбалер, беше продаден на Тотенхем за 30 милиони евра.
Каталонскиот гигант Барселона сака да го доведе на „Камп Ноу“ во летниот преоден рок, но, сепак, Реал Мадрид има клаузула според која би можел да го врати назад ова лето ако плати 40 милиони евра.
Шпанскиот дефанзивец за речиси две години одигра 64 натпревари за Тотенхем.
