Мануел Нојер со голем успех брани во Бундес – лигата веќе 16 години. Одличниот голман во најсилната лига на Германија дебитираше во 2006 година во дресот на Шалке за кој бранеше до 2011 година, кога се пресели во Баерн Минхен.
Триесет и петгодишниот капитен на Баерн денеска би можел да собори голем рекорд и да стане играчот со најмногу победи во историјата на Бундес – лигата.
Нојер во досегашната кариера оствари 310 победи во елитниот германски фудбал и ја дели првата позиција на вечната листа со легендарниот Оливер Кан, кој своевремено го чуваше голот на Баерн Минхен.
Доколку избраниците на Џулијан Нагелсман денеска го победат Унион Берлин во мечот од 27. коло на Бундеслигата, а на голот се очекува да биде Нојер, тој ќе стане играчот со најмногу победи во историјата на Бундес – лигата.
