Актуелниот италијански првак Интер ќе се раздели со шестмина фудбалери на крајот од оваа сезона, пишува „Газета дело спорт“. Чилеанскиот тандем Артуро Видал – Алексис Санчез дефинитивно заминува од „Џузепе Меаца“, а во соблекувалната на Интер нема да има место и за резервниот голман Јонут Раду.
Напаѓачот Фелипе Каиседо нема играно за Интер од јануари и клубот ќе го врати во Џенова од каде што дојде како позајмен играч. Српскиот интернационалец, левиот бек Александар Коларов ќе се пензионира на крајот на сезоната, а клубот треба да го напушти и Матијас Весино, играчот од средниот ред кој ја загуби минутажата оваа пролет.
На овој список ги нема хрватските репрезентативци Иван Перишиќ и Марсело Брозовиќ, кои треба да добијат нови договори.
