Полскиот интернационалец Роберт Левандовски нема да замине од „Алијанц арена“. Тој ќе добие зголемување на платата и ќе го продолжи договорот со Баерн Минхен, тврди „Билд“.
Левандовски има договор со Баерн до јуни 2023 година, а доколку не добие понуда за продолжување на соработката тогаш ќе прави трансфер ова лето. Но, „Билд“ го отфрла ова сценарио и тврди дека напаѓачот ќе добие нов договор до 2025 година.
Баерн Минхен подготвува понуда според која Левандовски би заработувал 28 милиони евра годишно.
Од почетокот на сезоната полскиот голгетер има постигнато 29 гола во Бундес – лигата и 12 во Лигата на шампионите.
