Бодо дури по продолженија успеа да обезбеди пласман во следната рунда од Конференциската лига на УЕФА. Сампстед во 105.минута постигна гол за 2-2, што беше доволно за норвешкиот тим да го елиминира АЗ Алкмар. Во регуларниот тек од мечот, холандскиот тим победи со 2-1 и ја анулира предноста од првиот меч. Но, на крајот сепак Бодо оди понатаму.
ПСВ Ајндховен со 0-4 го декласира Копенхаген на гости и убедливо го трасираше патот кон следната фаза. Еран Захави беше двоен стрелец, а погодија и Марио Геце и Мадуеке.
Олимпик Марсеј и во реваншот го совлада Базел со 2-1. Ченгиз Ундер и Валентин Ронгие беа стрелци на головите за францускиот тим.
Рен со 2-1 го совлада Лестер, но англискиот тим имаше предност од два гола по првиот меч што му го отвори патот во следната рунда од ова натпреварување.
